Денеска на прес конференција од партиското седиште на ВМРО-ДПМНЕ кандидатот за градоначалник на Пробиштип од редовите на опозициската партија Д-р Маријан Миленковски упати повеќе пораки во јавност во врска со претстојните Локални избори кои ќе се одржат на 17 Октомври.
Тој на почетокот од своето обраќање го окарактеризира владеењето на СДСМ и нивниот актуелен градоначалник во Прибиштип Драган Анастасов како неуспешно со реализирани едвај 20% од неговата предизборна програма од 2017 година. Дополнително Миленковски ги посочи неспособноста и незаинтересираноста на актуелниот градоначалник како основни белези на неговата четиригодишна работа препознатлива по партизираноста на локалните институции.
Поголемиот дел од својата прес конференција Маријан Миленковски ја посвети на претстојните проекти кои што тој како иден градоначалник на Пробиштип има намера да ги реализира за подобрување на животниот стандард на граѓаните на Пробиштип/
Погледајте во продолжение со какви проекти Д-р Маријан Миленковски ќе ја бара довербата на жителите на Пробиштип на претстојните локални избори во октомври:
