На 80 годишна возраст почина тапанарот на култниот рок бенд Ролинг Стоунс.
Публицистот на бендот Бернард Доерти соопшти дека Вотс починал мирно во болница во Лондон во присуство на неговото семејство.
Чарли Вотс беше сакан сопруг, татко и дедо а исто така како тапанар на Ролинг Стоунс еден од најголемите тапанари на неговата генерација, соопшти Доерти.
Претходно Чарли Вотс соопшти на јавноста дека нема да биде дел од турнејата на Ролинг Стоунс поради здравствени причини.
На официјалната твитер сметка на бендот беше објавено ова соопштение заедно со фотографија на покојникот.
Чарли Вотс во бендот кој беше репер за вистинско рокерско однесување и артистички рокерски израз што до одредена мера ја дефинираа рок културата беше еден од најповлечените членови кој секогаш беше своевиден стабилен столб на бендот кој беше познат по својата дива страна.
