Од денешен аспект, граѓаните би му верувале на секој еден збор на Груевски кога говореше на митинзите.
Граѓаните ја казнија вистината, и поверуваа на т.н. “Вистина за Македонија”, на чело со бомбашот Зоран.
Понесени од водачите на Револуцијата како што беа Павле, Ивана и компанија, носејќи маички со главните ликови на СЈО, нанесоа штета на државата затоа што му дадоа некаков си легитимитет на Зоран да пустоши се пред себе т.е. да јаде живи луѓе.
И токму јадењето живи луѓе беше единственото остварено ветување на Зоран, кое во целост го исполни, дури и го надгради.
Она што беше само во главата на ВМРОВЦИТЕ, не беше во главата на другите граѓани.
Не беше во главата на другите граѓани, затоа што пред нив стоеше човек кој им ветуваше мед и млеко, им ветуваше 500 евра плата и борба со корупција и криминал, им ветуваше независно судство, се потпираше на авторитетот на “Специјалните Обвинителки”, ја користеше немоќта на граѓаните, на студентите, на естрадните уметници и професори само за да се докачи до власта, а од таму да почне битка со неистомислениците, да започне со политички реваншизам, да започне со селективно делење правда, мешање прсти во сите сфери на властите, поткупување пратеници, штанцање судски пресуди како што тој сака, наредба за палење автомобили.
Ги собра и Шутите и Рогатите, оние кои веруваа дека пред нив стои вистински човек, а тој им се изна**а на сите нив.
Ги собра и Албанците, демек ќе правел едно општество за сите, живот за сите да имало во Македонија, небаре албанците претходно беа избркани во планина и не смееја да се симнат во градот, па живееја во колиби како домородците кај Амазон.
Од сите ветувања, настана најголемата афера кај нас од осамостојувањето, а тоа беше аферата Рекет.
Речиси да не постои член од раководството на СоцијалДемократите, а да не е вмешан во Рекетот.
А бидејќи судството го води Зоран, “независните судии” одат на баци рака кај него за да прашаат во која полза треба да се суди. И навистина, судските пресуди се фабрикувани како да ги носат од штабот на Бихачка, а не од Обвинителството.
Навистина не знам како Албанците и другите етникуми се разочарани од Заев.
Па луѓе, тој не си го сака својот род, не ги сака Македонците, а камоли некој друг.
За да го почитуваш туѓото, треба да си го сакаш своето.
Паролата “МОЖЕМЕ – Уште Повеќе, Уште подобро”, кажува дека можат повеќе да местат судски пресуди, повеќе да рекетираат, повеќе да го загадат воздухот ( иако бевме на 1во место во светот), повеќе да ја зголемат младинската невработеност (иако и за тоа бевме 1ви во светот), повеќе да го зајакнат хибридниот режим, повеќе да ги спречат странските инвеститори да инвестираат тука и да отвораат работни места.
Следува исправање на грешката, повторно да зачекориме сигурно, достоинствено и гордо.
Следува обновување на она што остана пустош после владеењето на СоцијалДемократите.
Следува Обнова на Македонија!
Пишува: Мартин Ристевски
