Во врска со сите можни информации и видливи докази кои што секојдневно излегуваат во јавност на јавна сцена во Република Македонија реагираат сите можни фактори во државата освен најповиканите кои што треба директно да ги решат ваквите заплеткани гордиеви јазли во македонското секојдневие.
Наспроти целокупната законска регулатива, наспроти огромниот и гломазен судски и обвинителски апарат во нашата држава правдата, правото законитоста се претворени во параван за крупни криминали и злоупотреби од огромни размери, додека законите и правилата важат за оние најсиромашните граѓани.
Токму во едни такви околности функционира Македонското секојдневие ставено во лимбо фаза во која не се знае “кој пие, кој плажа”.
Во врска со ваквата состојба реагира и опозициската ВМРО-ДПМНЕ и тоа на највисоко ниво преку постојани инсистирања и реакции во јавност на претставници на врвот на партијата.
Денеска со своја реакција во јавноста се обрати Претседателот на ВМРО-ДПМНЕ Христијан Мицкоски кој упати повторен апел до претставниците на властите за надминување на актуелните судско-обвинителски проблематични ситуации кои го кочат и уназадуваат Македонското општество.
Во продолжение во целост ја пренесуваме реакцијата на Мицкоски упатена преку социјалните мрежи:
Што треба повеќе да се случи ова обвинителство да започне да гледа докази за криминал кај власта? Изјавата од пред некој ден на обвинителката Вилма Русковска е причина повеќе зошто ни треба закон за независно обвинителство, и доказ плус за целосната политизираност на сегашното обвинителство. Тоа објаснува и зошто Заев се бори за закон кој ќе го амнестира криминалот.
Обвинителството уште еднаш ја зема улогата на заштитник на криминалот на власта.Русковска се претвори во заштитник на скандалите на Заев.
Случајот за поткуп на гласачи во 2014та година, “сосема случајно” бил отворен во 2018та година и затворен поради немање на докази. И сега ние треба да и веруваме на Русковска дека Заев е невин во целиот случај, кога јавна тајна е како СДСМ и Заев обезбедуваат поддршка во Струмица и не само таа 2014та година туку и за изборите претходно, но и времето потоа. За таквиот феудален систем со робовладетелски карактеристики сум говорел во повеќе наврати каде “вождот” немоќните ги уценува, а останатите ги рекетира.Овој случај со поткуп на гласови е отворен и затворен во 2018та затоа што тоа Вилма Русковска е обвинител, а Заев беше премиер и само така Заев може да биде нечепнат. Го отворила за да го затвори, далеку од очите на јавноста. Впрочем сега е јасно дека обвинителство е чуварот на криминалите на актуелната власт. Да ги бројам ли, Рекет 1, Рекет 2, Рекет 3, Поткуп, Крвави тендери, Афера Кеш во СЈО, канабис милиони за власта… Слепилото пред криминалот на сегашното обвинителство може да се острани единствено со квалитетен закон за обвинителство. И пораз на Зоран Заев на следните избори. Се дотогаш, разни Вилми и Јовевци ќе не убедуваат во неубедливото.
