“ЛАЖНА БОРБА НА ВЛАСТА СО ЗАГАДУВАЊЕТО
„Скопје најзагаден град во светот!“
Така осамна вчерашниот ден. Но, и Штип држи ниво. Од најчиста општина во Македонија, почна да се доближува до главниот град на државата. А Битола, Тетово, Куманово, Охрид, Кочани, каскаат во исто темпо, веќе цела зима.
СДСМ срамно и неоговорно ја лаже јавноста за наводна борба со загадувањето. Но, мерачите на загадување не само што демантираат, туку го докажуваат спротивното.
До сега, во ниту една општина не видовме нова зелена површина. Дури, небулозно се промовираат стари паркови, како нови зелени површини. Нема ниту една конкретна мерка со која би се намалило загадувањето. Само преместување на луѓе од една, на друга позиција.
Силата со која СДСМ кога беше опозиција маваше по тогашната власт, секојдневно ослабнува. Откако ги добија долго посакуваните високи позиции, ниту државните функционери, ниту пак градоначалниците демонстрираат ист залет во борбата против загадувањето.
И наместо да ја видиме нивната посветеност во борбата за живот, ние добиваме лоши статистики за зголемена смртност на населенито поради загадување. Но, тоа и не треба да не‘ чуди, со оглед на фактот дека викендов Скопје беше најзагаден град во светот, а Македонија во епицентарот на скандалот за увоз на токсичен отпад!”
-реакција на Комисијата за локална самоуправа на ВМРО-ДПМНЕ.
