Градинката “Детелинка” е место кое ми буди убави спомени од моите детски денови, ова е местото каде што ги стекнав првите знаења кои беа важен предуслов за моето идно школување.
Денес со задоволство ја гледам истата обновена во едно модерно светло кое нуди на идните генерации, на најмалите, квалитетни услови за воспитување и згрижување.
Објектот на градинката е реконструиран и надграден со уште еден кат, збогатен со модерни содржини за најмалите. Оваа инвестиција во износ од 23.5 милиони денари е заеднички потфат на Општина Крива Паланка и Министерството за труд и социјална политика, а истата е поддржана од страна на Светска Банка.
Ги следиме модерните текови во образованието и инвестираме во квалитетни услови за најмалите, ветеното го остваруваме и продолжуваме со нови проекти кои ќе обезбедат подобар живот за сите.
-извор: Љупчо Николовски- Министер за земјоделие, шумарство и водостопанство
