На прес конференција на членови на Унијата на Млади сили на ВМРО-ДПМНЕ вчера беа посочени нереализираните ветувања на актуелната власт во однос на младите во Брегалничкиот регион.
Во продолжение во целост ја пренесуваме прес конференцијата на Симона Трајкова од УМС на ВМРО-ДПМНЕ од Штип:
“Почитувани сограѓани,
Во Програмата За живот на СДСМ, младите се споменати дури 140 пати.
Меѓутоа, Владата е на крај од мандатот, а за нив не направи ништо.
Студентската година започна вчера, но проблемите на студентите се уште поголеми откако СДСМ дојде на власт. Не само што немаат перспектива додека се студенти, туку веќе немаат перспектива ниту по завршување на високото образование.
Од Планот за живот кој го ветуваше СДСМ, не се реализира ниту едно ветување. Иако на големо се ветуваше, Штип не доби Студентски дом со спортски сали, читални, библиотеки, ресторани, кино-сали и фитнес-центри, ниту пак универзитетски кампус за задоволување на потребите на УГД. Не се воведе студентска платежна картичка за попусти во користењето на јавните услуги, нема стипендирање на успешни студенти, а субвенционирањето на јавен транспорт, за сите млади лица остана мисловен поим.
СДСМ ветуваше наводна департизација и плурализам во студентското организирање, а ние сведочиме на највисока корупција во академската фела.
Младите останаа излажани и после завршување на студиите. Младинска гаранција не постои! Младите не добиваат средства за отварање на сопствени компании, освен оние, кои преку Фондот за иновации беа наградени за лојалноста кон партијата на власт.
СДСМ ветуваше дека ќе ги врати шестоте илјади иселени од државата, но само го зголеми бројот на оние кои спасот од оваа состојба го гледаат надвор од земјава.
СДСМ не изгради спортски терени, отворени базени, места за рекреација, не обезбеди поволни услови за младите спортисти…
Со еден збор, СДСМ ги маргинализира младите до степен својата иднина воопшто да не ја гледаат во сопствената држава.
Но, доаѓа денот кога токму младите ќе ги казнат овие квази политичари, кои се’ што кажат – лажат!
Доаѓа денот кога младите ќе ја земат иднината во свои раце и ќе ја почнат ОБНОВАТА на Македонија!”
-соопштија од Ок на УМС на ВМРО-ДПМНЕ од Штип.
