И порано беше, руинирано и девастирано, ама сега е пример како не треба да изгледа едно здравство.И тоа не по оние западни критериуми и норми, оние интернационални и заеднички, но и по оние африканските и од земјите од третиот свет.
Многу поминавме а полошо не чека. Без соодветна апаратура, материјали, без доволно лекари и сестри, лаборанти и техничари а со најевтиното на тендер, со опашки од криминали и со несоодветен кадар тонеме секој ден се подлабоко и подлабоко…
По здравствените домови и болници ни шетаат домашни животни, а змии и желки ќе не изедат обраснати од треви. Организација башибозук-шо да ти кажам!? Директори, раководители, шефови, па се до хигиеничарите е оставено на волја на секого а етиката ни е во слободен пад. За професионализам и да не зборуваме, за екстра резултати воопшто…тука има само лошотија, злоба, умствена апатија.Тука секој на секого е волк, душман, змија…
Тука имаш повеќе начини како да преживееш во една класично-комунистичка и социјална македонска болница, ќе се послужам со шегите од твитер кои се од вистински настани пресликани:
1. Никогаш не оди во државна македонска болница ако немаш близок!
2. Ако веќе мораш да одиш биди си доктор специјалист или директор на истата.
3. Ако не си доктор специјалист а ниту директор, обичен лекар, главен техничар ќе заврши работа во Јавната здравствена установа. Ако не ти помогнат лековите на руските и бугарските научници од Ју Туб и Баба Рада, не е лошо да си пробаш со молитви и да вратиш на религијата.
4. Ако ништо од горенаведеното не помага земи си кредит од локалниот лихвар за да фрлиш нешто ваму – таму и да те третираат подобро од другите.(на шоферите обавезно кафе од ,,банкомато”)
5. Биди спремен да се вклучиш и во тепачка на Брзата, само и само да бидеш прегледан или пак да победиш пред врата ако некој од малцинствата чекаат со тебе(запамти, кога си со нив, секогаш си ВТОР)
6. Ако од персоналот на некое одделение ти нудат нешто, одбивај се додека они не пробат први!?
7. Од дома носи си постелнина, перница, четка за заби, паста, бикче, лекови, инфузија, а понекогаш и лекар!
8. Ако сеа си викнеш Брза помош, не се секирај ќе дојдат на твојот 70-ти роденден!?
9. Купи си греалица ако веќе си хоспитализиран, ама Директорот на визита ќе ти ја исклуче бидејќи сега се штеде и е криза.Па затоа не е лошо да си земеш и еден агрегатор за струја.(затоа што иако нема затоплување не оставаат вклучување на грејни тела) 10. Биди си ти секогаш оптимист, ама имај си тестамент за секај случај(ова најреално) и распредели ги долговите на сите поденакво да нема љутиш.
11. Купи си апарат за алко тест и пред да влезеш во сала и да ти направат било каква манипулација, тестирај ги…
12. Ни на сон не ги оставај да те допираат кога ќе ти речат дека пијани работат подобро(анестезијата е чудна работа)
13. Најпаметно ќе ти биде да си одеш со веќе сварено кафе од дома за сестрите за да не мораш да ги чекаш да си варат додека те примаат на оддел.
14. Кога веќе си примен на одделение спремај си блузи со долги ракави оти следните две недели ќе изгледаш како наркоман рацете(а богами и нозете).Оти повеќе од познато е дека сите техничари и сестри што можеа да погодат вена од прва сега земаат крв во Германија и Швајцарија.
15. Кога веќе си во установата, ти си веќе помирен со Господ.
16. Убаво е да си дојдеш од дома со тренинг како се живее во симбиоза со мачки, кучиња, лебарки, инсекти, глувци и мов…
17. Кога си веќе тука на болничка терапија подолг временски период а не си бањат/а трупај антибактериски гел.(минимум три пати дневно)
18. Помири се и со твоето ,,непознавање” на медицината.Па разбира се дека една мала виршла, две парчиња леб и чај се храна ,,која му е повеќе од доволна” на болен организам да зајакне.
19. Утехата најди си ја во тоа што, кога ќе те испуштат од болница, барем ќе си послаб/а за дестина килограми.
20. Ти си отпуштен од државна болница-друже ти медицинско чудо.
Иако работата не е до толку сепак, знај ги овие совети…имај си заштедено за секој случај затоа што секоја нова генерација која доаѓа нема да остане тука а ти ќе продолжиш да се расправаш со лаици и приучени.
Името на авторот е познато на редакцијата
