Градоначалникот на општина Штип Иван Јорданов денеска на лице место во една од повисоките населби на градот изврши увид на градежните работи околу доизградба на улицата “Цвета Јованова”.
Истовремено во свое соопштение до јавноста Градоначалникот Јорданов информираше дека во текот на оваа недела ќе бидат комплетирани градежните работи на вкупно 6 улици, со што граѓаните кои гравитираат кон тие делови од градот ќе добијат подобри услови за живот.
“Решаваме долгогодишни проблеми на граѓаните на нашата општина!
На улицата “Цвета Јованова” ѝ недостигаа уште неколку метри, за да има комплетен изглед. Тоа го овозможуваме со нешто повеќе од 500.000 денари општински буџет, а парите на граѓаните ќе ги насочиме и кон асфалтирање на уште неколку улици во нашиот град. Во текот на оваа недела ќе ја уредиме патната инфраструктура на вкупно 6 улици во Штип, а во таа насока ќе се движиме и во наредниот период во текот на оваа календарска година.”
-соопшти Градоначалникот Иван Јорданов за јавноста.
