На 12 септември 1942 година загинале Македонските револуционери Стив Наумов и Мите Богоевски. За да не паднат живи во рацете на Бугарските Фашисти, се самоубиваат со бомби.
За главата на Стив Наумов се давале 200 илјади лева, жив или мртов. По самоубиството, бугарската војска ги изложила нивните тела во селото Болно за да ги распознаат роднините на Мите, при што, двете тела биле фотографирани од страна на бугарската војска.
Потоа, двајцата биле закопани во близина на местото каде што загинале, но бидејќи месното население започнало да ги посетува гробиштата, бугарските војници ги откопале телата, ги оставиле покрај реката за да се распаднат, а потоа ги однеле во непозната насока.
Истата година во скопскиот затвор бугарските фашистички власти го бесат и братот на Стив- Ѓорѓи Наумов!
