На денешен ден 9 јули 1941 година во Обласната бугарска полициска управа во Скопје е убиен ЦВЕТАН ДИМОВ – револуционер од НОБ.
Роден е во скопската населба Чаир во 1909 (1910) година во сиромашно земјоделско семејство, каде што го поминал детството, основното образование и каде што започнал да учи занает.
Бидејки неговите родители биле многу сиромаси морал да го напушти образованието и изучува занает. Бил чирак кај различни мајстори.
Калфа станал на 17 години.
Подоцна работи како шивач и станал истакнат организатор на штрајкови.
Заедно со Орце Николов бил еден од најистакнатите организатори на работничкото и комунистичкото движење во Скопје помеѓу двете светски војни.
Се разболел и се лекувал од туберкулоза во некој санаториум .
Станал синдикален белградски активист.
Член на СКОЈ бил од 1928 г.
Сакал да оди да се бори во Шпанската граѓанска војна. Бил спречен од болеста.
Бил и член на покраинскиот комитет на КПЈ во Македонија.
Заедно со Орце Николов бил еден од најистакнатите организатори на работничкото комунистичко движење во Скопје.
Работел на формирањето на Вториот скопски партизански одред.
По Ослободувањето, на 26 јули1945 година, Цветан Димов е прогласен за народен херој на Југославија, како еден од првите борци од Македонија кои го добиле тоа одликување (заедно со Орце Николов, Стеван Наумов – Стив, Мирче Ацев, Страшо Пинџур, Христијан Тодоровски – Карпош и Кузман Јосифовски – Питу)
Како е убиен Цветан Димов:
Сведочење на началникот на државна безбедност во обласната Бугарска полициска управа во Скопје Љубомир Јорданов (убиецот на Цветан Димов):
“Првата вечер по апсењето Цветан беше тепан по табаните. Следниот ден го тепавме јас (Љубомир Јорданов), Мачков, Крум Панков и Рајков.
Беше тепан два-три пати.
На 9 Јули 1942 г. требаше да оди на сослушување.
Прво не сакаше, но го пцуев, му викав и Цветан дојде. Неможеше да оди бидејки беше претепан. Кога стасавме близу мојата канцеларија го бутнав накај прозорецот. Цветан се занесе и се наведна на прозорецот. Го фатив за нозе ,го подигнав и го турнав долу. Падна од вториот кат во дворот на бетонот.
На сите им реков дека Цветан сам се фрли низ прозорецот. Тоа му го соопштив и на обласниот началник. Кога го фрлив надолу беа присутни и агентите Методи Попов – Величков и Трендафилов. На сите им беше кажано да разгласат дека Цветан сам се фрлил низ прозорецот.”
Уште во текот на НОБ неговите соборци и Македонскиот нардо испеле песна во негова чест .
