Генералниот секретар на ВМРО-ДПМНЕ Игор Јанушев во јавноста го обелоденува упорното унапредување на одредени лица во институциите под контрола на СДСМ.
Притоа Јанушев го коментира и поставувањето на Претседател на Основниот суд во Штип на лице кој е блиска роднина на Претседателот на Општинската организација на СДСМ во Штип.
Во продолжение во целост го пренесуваме соопштението за јавност на Генералниот секретар на ВМРО-ДПМНЕ:
“Новата епидемија која е хронично присутна овие 3 години продолжува. Непотизмот на криминално-рекетарската банда на Заев и СДСМ пуштен на најјако. Во обид “да се спаси што се може” во последните месеци од нивното неспособно владеење.
Љупчо Трајковски, кој беше началник на СВР Штип до пред неколку дена (сменет од новиот министер Наќе Чулев), е назначен за советник во Бирото за јавна безбедност. А, да, за Љупчо Трајковски нели имаше кривична пријава и обвинение за шверц на мигранти? Не беше истиот тој Љупчо Трајковски на “боледување” 6 месеци додека беше началник на СВР Штип?
Ѓорѓи Андонов, првиот братучед на претседателот на ОО на СДСМ во Штип – Александар Кангалов, е поставен за претседател на Основниот суд во Штип.
И додека криминално-рекетарската банда на Заев и СДСМ крадат, лажат и манипулираат … продолжуваат и да си ги вработуваат и унапредуваат најблиските.
Да ве потсетам по не знам веќе кој пат, блиску е 12 април, сите што го прекршувате законот ќе одговарате! Мудриот Македонски народ вели: “се се враќа, се се плаќа”. А, на 12 април народот доаѓа да си го “наплати” своето!”
