Предизборната кампања за предвремените парламентарни избори кои ќе се одржат на 15-ти јули е во полн ек.
Партиските каравани ги спроведуваат своите предизборни активности секој на свој начин..
Како генерална карактеристична разлика која што може да се забележи во начинот на водење на кампања помеѓу најголемите политички субјекти во Република Македонбија е начинот на комуникација со граѓаните при нивните теренски активности.
Кандидатидатите на опозициската ВМРО-ДПМНЕ од кандидатските листи во шесте изборни единици се впуштени во интензивна теренска кампања помеѓу граѓаните во сите населени места низ државата. И тоа со подеднаков жар и посветеност од првиот-носителот на листата се до последниот-20 от на листата. Примената на мерките за заштита од Ковит-19 не е причина за на ваквите средби да отсуствува поголем број на граѓани, туку напротив, забележливи се масовни фотографии од овие средби на социјалните мрежи во кои граѓаните пружаат поддршка со своето присуство со кандидатите на ВМРО-ДПМНЕ и Коалицијата на терен запазувајки ги мерките за заштита. И при ваквата теренска активност не е одминато ниту едно населено место во државата.
Од друга страна ги имаме активностите на кандидатите на СДСМ кои што се реализираат исклучиво во ограничен број на претходно точно дефинирани локации и населени места со поставени бини каде се обраќаат кандидатите кон присутните главно членови, функционери и активисти на СДСМ.
Дополнително забележливо е доминантното медиумско претставување на СДСМ на националните телевизии пред останатите политички субјекти кои се натпреваруваат за пратенички места во оваа изборна трка, во т.н. платена политичка програма. Ваквиот главен фокус на медиумско и бинско претставување на кандидатите на СДСМ и коалицијата “можеме” додава една доза на индиректност во комуникацијата со граѓаните, што е главна разлика од директноста на кандидатите на ВМРО-ДПМНЕ и Коалицијата за Обнова на Македонија во нивната комуникација со граѓаните.
Имајки ги предвид цените за платено политичко рекламирање на националните телевизии интересен ќе биде податокот за износот на сумата на пари која што ја потрошиле СДСМ во споредба со останатите политички субјекти.
Особено интересна во овој предизборен период е следнава пропагандна порака од страна на Венко Филипче кој ги ОТВАРА скопскиот и охридскиот аеродром за сообраќај… и промовира термална камера која ја имаат поставено како власт на аеродромот…
Мислам дека само сакоата што ги носат функционериве на фотографиите се поскапи од овој “грандиозен проект” преку кој Венко Филипче се обидува да биде актуелен, настрана од смртта и заразеноста во државата како резултат на пандемијата која никогаш и не ја контролираа.
Целокупниот ваков начин на комуникација со јавноста е повеќе од разбирлив за СДСМ со оглед на јаловата и штетна политика во изминатите три години на власта на Зоран Заев и СДСМ.
Пишува: Кирчо Анастасов
