Еден од најголемите визионери во светот, инспирацијата на преголем број негови обожаватели и следачи. Ќе ви претставиме само мал дел од најубавите цитати на Џобс кои говорат за неговиот поглед кон животот и неговата храброст за максимална позитивност.
***
„Твојата работа ќе исполни голем дел од твојот живот, и единствениот начин да бидеш задоволен е да го правиш она за што веруваш дека е добра работа. А единствениот начин да се занимаваш со добра работа е да го сакаш она што го работиш. Ако сè уште не си ја нашол таквата работа, продолжи да бараш. Не застанувај”.
***
„Ако изработуваш мебел и работиш на убава комода, нема да ставиш оштетено парче на задната страна, иако тој дел од комодата никој не го гледа. Ти ќе знаеш дека е таму, затоа ќе ставиш здраво и убаво парче дрво”.
***
„Секое утро во изминатите 33 години се погледнував во огледало и се прашував себеси: Ако денес беше последниот ден од мојот живот, дали ќе сакав да го правам она што денес ќе го правам? Секогаш кога одговорот беше „Не” повеќе дена по ред, знаев дека треба нешто да променам во мојот живот”.
***
„Потсетувањето дека еден ден ќе умрам е најважното нешто кое ми помогна да направам големи избори во животот, бидејќи речиси сè – сите очекувања, целата гордост, целиот страв од неуспех, сè исчезнува кога ќе се соочиш со смртта. Во тој момент останува само она што е важно. Сознанието дека еден ден ќе умреш е најдобриот начин да престанеш да размислуваш дека можеш нешто да загубиш. Нема причина да не го следиш своето срце… ”
***
„Многу е позабавно да бидеш пират, отколку да ѝ се придружиш на морнарицата”.
