Јавните површини и парковите се душата на една современа и модерна урбана општина. Со зголемување на бројот на жители и дивезификацијата на начинот на живот, од менаџментот и заложбите на градските власти зависи директно квалитетот на живот на граѓаните во секоја убрана целина во град како што е Штип. Токму состојбата на јавните простори и јавната инфраструктура пополека станува индикатор- мерило за степенот на развој на самата општина и определена урбана средина.
Покрај нивото на јавна свест за јавната чистота во еден урбан град како што е Штип градоначалникот, општинскиот совет како и локалните институции се најдирекно одговорни за уредувањето и развојот на јавните простори и комунална инфраструктура.
Во текот на денешниот ден градоначалникот на општина Штип Иван Јорданов оствари работна посета на граѓаните на штипската населба “Сењак 4” каде што во тек е реализација на повеќе активности за уредување на еден таков јавен простор кој што претходно беше заборавен од надлежните органи на општината.
“Заборавената населба Сењак 4 ќе добие современ парк со повеќенаменски детски игралишта и содржини.
Проектот предвидува изградба на повеќенаменско детско игралиште, игралиште за мал фудбал со вештачка трева, ново игралиште за баскет, целосно осветлување и уредување со нова урбана опрема.”
-соопшти Градоначалникот Иван Јорданов во врска со денешната теренска посета на граѓаните на оваа штипска населба.
