До нашата редакција пристигна тонски запис на кој се слуша глас на возрасно лице како се заканува на ученици да не учествуваат во толпа. Дополнително гласот вели дека доколку малолетни лица се пријават дека учествуваат во толпа казната наводно била 500 евра за родителот на малолетното лице.
Во продолжение поради високиот јавен интерес што го содржи овој тонски запис во себе истиот го пренесуваме во целост:
Ваквите вербални закани и притисок според нашите извори се однесуваат на учениците со цел да се спречат да излегуваат на најавениот протест во петок 06.03.2020 година.
Протестот на учениците се однесува на укунувањето на бесплатниот автобуски превоз со измените на законот донесени во 2018 година, каде учениците се приморани да ги користат постојните автобуски линии од меѓуградскиот автобуски превоз. Со тоа некои ученици се ставени во состојба да мораат да пешачат по 3-5 километри а истовремено да плаќаат такси кое е значително поскапо и е огромен финансиски товар за родотелите.
Во Законот за јавни собири не постојат вакви казнени одредби како што се наведуваат во тонскиот запис од страна на лицето кое е снимено како говори.
Ваквите притисоци Хелсиншкиот комитет за човекови права ги оквалификува како противуставни како и против голем број на меѓународни конвенции и закони.
На оваа тема денеска своја реакција во јавноста упатија и од Општинскиот комитет на ВМРО-ДПМНЕ од Штип, во која лицето на снимката го идентификуваат како директор на СОУ “Коле Нехтенин” Штип кој што се обидува да го спречи протестот на учениците најавен за утрешниот ден.
Во продолжение во целост ја пренесуваме реакцијата на ОК на ВМРО-ДПМНЕ Штип упатена до јавноста:
“Запрепастени сме од настапот на директорот на средното училиште “Koле Нехтенин” кој со закани сака да го спречи најавениот протест на средношколците поради укинување на организираниот превоз и без трошка срам и вели дека е забрането малолетници да протестираат и ако протестираат ќе бидат казнени со 500 евра.
Снимка од заканите на Директорот осамна ова утро на неколку интернет портали,а и ние би сакале да ја презентираме со цел сите граѓани да слушнат како локалните фунцкионери на СДС кои треба да ги учат учениците на принципи и вредности, им се закануваат бидејќи нивната партија носи погрешни одлуки на штета на младите.
Бараме одговорност за ваквиот однос на Директорот на училиштето бидејќи правото на протест е основно човеково право,загарантирано со устав и никој нема право да го ускрати.
Ги повикуваме и сите надлежни институции да реагираат на овие притисоци кон средношколците кои се спротивни на сите мегунарадни стандарди за изразување и мирен протест.
Вака не треба да се постапува со иднината на нашата земја,но очигледно е дека локалните фунционери на СДС се во паника поради извесниот пораз кои им следи на 12 април,па не разликуваат партиски штаб од училиште.
Со закани и притисоци нема ништо да постигнете,младите се авангарда и наскоро ќе се уверите во тоа.
По 12 април доаѓа правда за сите, и ќе има одговорност !
Во интерес на запазување на кодексот на фер известување упативме по електронска пошта на официјалното електронско сандаче на СОУ “Коле Нехтенин”Штип kontakt@kolenehtenin.edu.mk свои прашања во насока на расветлување на состојбата, но до моментот на објавување на оваа информација немаме добиено одговор од Директорот или надлежните во ова училиште.
Доколку во наредниот период добиеме одговор истиот ќе го објавиме на нашиот портал.
