Одгледувачите на бостан револтирани и разочарани. Бостанот е сеуште во нивите , и доколку набрзо не се превземат мерки, голем дел од родот ќе скапе. Засадените ниви се со далеку помал род во споредба со минатите години,и тој мал род големи се шансите да пропадне. Земјоделците молат за слух од државата. За Сител телевизија, неколку производители на бостан со свои изјави :
Некни беше пет денари, сега три до два денари дали има и тоа на прекупците. Нема никаков откуп, а ако има, има за некој, за другите нема, за пет души само,
-вели Ванчо Мирле за Сител кој е производител на бостан.
Стои во нивите. Уште некое време ќе стои и може да скапе ако не се организира да дојдат од горе од Министерството за земјоделие,
-посочува Здравко Гуцев, производител на бостан.
Од лани е десеткувано производството. 60 па дури и 70% е намалена површината со бостан општо во подгоријата. Се надевавме на некоја пристојна цена од 5 до 7 денари. Значи откупот е нула и во застој,
нагласува Панчо Тилев кој исто така е производител на бостан.
Нас три денари не не покриваат воопшто. Тука сме на нивата и ја гледаме каква е состојбата со бостанот. Бостанот ни е уништен веќе. 50 до 60% сигурно ќе ни остане на нивата. Лани се надевавме на некаков откуп, имаше некаков откуп, зедовме за трошоците пари ама таа година е многу поголема катастрофа од лани,
-вели Станислав Пујкиловиќ.
Производителите на бостан од Колешино бараат итна средба со министерот за земјоделие, да разговараат за решение на проблемот. Во спротивно, земјоделците не ја исклучуваат можноста и од масовни протести и блокада на граничниот премин Ново Село.
