Денеска требаше да се одржи судското рочиште на процесот против Жарко Масларковски, кој што е гонет од полицијата затоа што викал “Македонија-Македонија” и носел знаме на својот грб на денот на освојувањето на шампионската титула на Вардар.
“Почитувани,
Одложеното судење од 06. Мај, по повод моето викање Македонија и носење на македонско знаме на грб, за време на прославата на шампионската титула на Р.К. Вардар, се случува утре во 09:30 основен кривичен суд. Повторно од вас барам само морална поддршка, иако многумина од вас, се понудија да ја платат казната!!! Очекувам ослободителна пресуда!!! Да живее Македонија!!!!”
-напиша судениот Жарко во врска со поканата за судењето.
Иако Жарко Масларковски отиде на соодветниот термин да биде суден во Основниот суд во Скопје, сепак полицаецот кој што е подносител на прекршочната пријава не се појавил на судењето, со што процесот е одложен за 10 февруари 2021 година.
