За првпат во историјата раководството на Општинскиот комитет на ВМРО-ДПМНЕ заедно со граѓаните како опозиција на локално ниво ќе бараат и ќе се борат за реализација на проекти од страна на актуелната локална власт во Делчево.
Од ОК на ВМРО-ДПМНЕ во јавноста упатија јавен повик за собирање на предлог проекти и решавање на постојни инфраструктурни и други потреби на граѓаните на Делчево кои што ќе бидат предложени од страна на советниците на партијата за реализација за наредната година.
“Како резултат на игнорантскиот однос на локалните власти предводени од градоначалникот Горан Трајковски за секојдневните потреби на граѓаните и надминување на проблемите кои актуелната локална власт не сака да ги види а не пак да ги решава, одлучени сме на ваков чекор со кој што ќе влијаеме заедно со граѓаните порационално користење на општинскиот буџет за реализација на потребни проекти за граѓаните.
До нас пристигаат информации дека во минатите години општината и градоначалникот собирале про-форма предлози од граѓаните, кои што потоа завршувале во некои фиоки и не биле реализирани. Затоа како одговорна партија која работи во функција на подобрување на стандардот на граѓаните се решивме заедно со граѓаните да се бориме пред локалните власти да се реализираат нивните барања,”
-соопштуваат од раководството на Општинскиот Комитет на ВМРО-ДПМНЕ Делчево во врска со оваа иницијатива.
” ЈАВЕН ПОВИК
Како резултат на секојдневната комуникација и потребите на жителите на сите населени места на Општина Делчево, ОК на ВМРО-ДПМНЕ во соработка со Советничката група на ВМРО-ДПМНЕ и коалицијата Обнова за Македонија од Општина Делчево распишува ЈАВЕН ПОВИК за ДОСТАВУВАЊЕ НА ПРЕДЛОЗИ,БАРАЊА И ПРОЕКТИ кои треба да ЗАЗЕМАТ ВАЖЕН ДЕЛ при креирањето на Буџетот на Општина Делчево за 2023 година.
ОК на ВМРО-ДПМНЕ Делчево и Советничката група на ВМРО-ДПМНЕ и коалицијата Обнова за Македонија од Општина Делчево во услови на недостаток на проекти на општинската администрација и во насока на реализирање што е можно повеќе проекти во интерес на жителите на Општина Делчево го превзема овој чекор се со цел изнаоѓање на реални и издржани проекти кои ќе имаат за цел да го подобрат и олеснат живеењето во нашата општина.
ОК на ВМРО-ДПМНЕ Делчево го задржува правото да ги разгледа и отцени сите проекти кои треба да бидат дел од Буџетот на Општина Делчево за 2023 година, се во интерес на жителите на Општина Делчево и за кои смета дека Советничката група на ВМРО-ДПМНЕ и коалицијата Обнова за Македонија треба да ги достави и да се бори за нивна имплементација во Совет на Општина Делчево во согласност и рамките на нашите можности.
ВАШИТЕ ПРЕДЛОЗИ И ПРОЕКТИ можете да Ни ги доставите во просториите на Централен штап на ВМРО-ДПМНЕ во Делчево во периодот 17:00-21:00 часот, најдоцна до 11.11.2022(петок) или на email адреса:ok-delcevo@vmro-dpmne.org.mk .
Со почит, ОК на ВМРО-ДПМНЕ Делчево.”
-стои во јавниот повик на ОК на ВМРО-ДПМНЕ Делчево.
