Знаете ли што значи МРО револуционерно-националноослободителна организација на македонскиот народ, основана во Солун во 1893 год, од шестмина интелектуалци: Дамјан Груев, д-р Христо Татарчев, Петар Поп Арсов, Иван Хаџи Николов, Христо Батанџиев и Андон Димитров, верувам дека знаете дека нејзин водач бил и Пере Тошев, Ѓорче Петров, Јане Сандански но и Гоце Делчев онај истиот на кој му се поклунувате лажно. Неверувам дека незнаете што значи ИЛИНДЕН, што се случило во 1903, за чива слобода се бореле и погинале Питу Гули, Карев, Дедо Иљо, Турунџе, Јордан Пиперката, Груев, Бабата, Александров, Христо Узунов, Русински, Чакаларов, Лика Беровска, Василка, Шабан Шакир инт. Сте прочитале ли некоја приказна за Аферата мис Стон што сакале револуционерите да постигнат, знаете ли што изјавила Стон веднаш откако била одлободена. Сте прочитале ли некогаш од различни литератури зашто Јане Сандански во 1912 год влегува со четата во Солун, зашто имаше Букурешки договор. Достоен ли сте да го спомнете зборот Гемиџии, Солунските Атентатори, „Гвадалкивир“, да, да, Јордан Поп Јорданов – Орцето, Константин Кирков, Димитар Мечев, Илија Трчков, Владимир Пингов, Павел Шатев, Марко Бошнаков, Милан Арсов и Георги Богданов и Цветко Трајков, многу пред тебе го отвориле Македонското прашање и се “Арчеле за Македонија”. Сте прочитале ли некогаш за Прличев од Охрид за неговите Сердарот и Скендебег, зашто го посетил манастирот Св.Јован Бигорски. Сте прочитале ли за Рацин, истакнат македонски активист на комунистичката партија и партизан, неговата “Бели Мугри” Денови“ и („Селска мака“), („Тутуноберачите“)(„На Струга дуќан да имам“). Сте прочитале ли зашто се стрелани Ваташките младинци, ве будат ли од сон кога ќе помислите на нив, стиховите”В Тиквешко негде, в некое село’
кај в слана тивко венеше цвете”,
– убија дете”. Струмичките студенти членови на ВМРО, свирепо погубени на планината Беласица, зашто?. Знаете ли што значи АСНОМ, Ченто, зашто е суден, од кого, сте прочитале дека и покрај се, што проживеал, и по излегувањето од затворот не се откажал од идеите за самостојна и обединета Македонија. Знаете ли атентаторот Владо Черноземски дека на неговата десна рака имал тетоважа “Слобода или смрт за македонија “. Сте го рецитирале ли на глас “Тешкото” на Блаже Коневски, онака, солзи сакаат да ви протечат и вие ги стискате, не сум сретнал маж или жена кој не пуштил солза на описот за тешкото минато на нашите претци “Времињата мрачни се нивното поле,
и нивната свирка – на прангите ѕвекот,
а главите им се наведени доле,
и покроце врват – сè чекор по чекор.
О времиња, што ве в мрак родот мој минал,
кој збор ќе ми најде за вашата стрв?
Кој збор ќе ми најде за ужасот зинат
над пустош и крв?!
Знаете ли колку вистина има во неговото “Големо ни е името ќе сакаат да ни го земат”. Сте се запрашале некогаш на колку јазици е преведено творештвото на П.М.Андреевски, што сакал да каже во “Пиреј” во “Небеска Тимјанова” која порака е скриена меѓу редовите, каде ако не направиш пауза меѓу читањето срцето ќе ти препукне. Колку само вистина има„Од таму си, од кајшто ти се гробиштата.“ (Небеска Тимјановна), ние сме од Македонија оти гробиштата ни се тука, за вас не сме сигурни. Сте го гледале ли “Најдолгиот Пат” филмот снимен по вистинит настан, каде повторно македонците се измачувани, и судени на сред село на 101 година затвор, а по долгото патување и страдање, стигнале во затворот за да им кажат дека се амнестирани, знаеш која е пораката?Издржале. Ви се испотило ли челото кога на глас сте ги прочитале стиховите, „Не е срамно ако умреме до еден,
но голем срам е, ести голем,
ако останаме без името наше
од кое уште се плашат ко од чума.
А без име, векутуми, а без него
и гробовите ќе ни бидат празни…“, што ли сакаше да ни каже денес мене, тебе нам. Сте ја виделе ли барем насловната страница од 1903 на Книгата „За македонцките работи“ на Мисирков, Шчо напраифме и шчо требит да праиме за однапред? каде авторот на маестрален начини со политичка анализа ја разоткрива асимилаторската политика на соседните земји насочена против македонскиот народ и против македонскиот јазичен, културен и етнички идентитет. Сте го гледале ли бриљантниот македонски филм “Црно Семе” каде нашите македонци од егејска македонија и покрај мачењата и страдањата низ кои минуваат даваат отпор специфичен само за македонскиот народ, спиеш ли мирно за прегледаните сцени, те болат ли зборови,”Пукај бе братучет пукај” во оскаровскиот “Пред Дождот”. Си ја гледал ли маестралната престава на Стефановски “Диво Месо” каде таткото солзи нема за да ги исплачи децата заробени од белосветските лажги, за кои таткото кој ги изгубил нозете за татковината е помија. Еднаш Гане Тодоровски напиша,” Ој, Македонијо,
колку ли уште ни треба
за да те домакедончиме”, на кого ли мислел јасно ми станува.
Ве заболе ли душата како мене, кога ги слушавме потресните сведошва на деца бегалци од егејот, тие сега се достоинствени старци и гордо сеуште ќе речат дека се македонци, родум од Македонија. Какво чуство ве обзема кога ги гледаше потресните сцени од граничен премин каде македонците бека тргнати да запалат свеќа на гробовите од своите претци во леринско, кукушко и др, ама грчките власти не им го тоа дозволија, оние истите со кои ти сакаш да потпишеш договор. Се наежуваш ли секогаш кога ќе ги слушнеш Бисер Балкански, Земјо Маледонска, Ја излези Ѓурѓо. Те обзема ли љутина кога ќе ја слушнеш “Со маки сум се родил” на Вања Лазарова. Знаеш ли во колку замји КУД Танец има одиграно македонско оро, под името Македонија. Зар Сариевски, секогаш гордо во стара македонска носија секогаш ја пееше “Зајди зајди јасно Сонце” без причина. Знаеш ли дека ние во Македонија имаме живи потомци на Делчев, Карев, Гули, Ченто, како ли ќе ги погледнеш. Внимавајте, нашите деца, внуци еден ден ќе не прашаат зашто сме се само поништиле, ама нема да знаеме што да им одговориме, ќе ја наведнеме главата и ќе продолжиме со талкањето, зашто само тоа и ти останува кога корен не те држи.
Ќе те потсетам на Македонскиот манифест на Андреевски напишан во 2003 год
„Само здружени и со меѓусебна доверба ќе бидеме секаде и секогаш посилни. Историјата е еден отворен процес кој постојано се допишува. Ние, Македонците таа историја сакаме да ја пишуваме само со своето македонско писмо и само со својата македонска вистина. Слободата е наша прва икона и затоа не испуштајте ја од своите раце и од својата љубов. Таа не се освојува еднаш засекогаш, туку секој ден и постојано. Низ секој наш творечки подвиг. И низ секој изгрев што нѐ осветлува. Само така Македонија ќе ја видиме обединета во една толку величествена светлина. Зашто наше знаме е сонцето, а тоа е најстариот оган на кој се грееме.
Ура за Македонија, ура и за тој вечен оган по кој се препознаваме!“
За крај те потсетуваме дека нашиот македонски народ во многуте историски премрежја претрпел многу полоши и понасилни договори, но имал верба и опстанал, за да повторно и се радува на својата татковина Македонија, а сето погоре напишано е печат тоа дека Македонија и нејзиниот народот, се секогаш на истата страна. Еден од споменатите великани напишал “ „За држава треба цар, даскали, доктори, писари, а ти имаш само болви и болвосерки околу тебе.
Додека дишеме, додека дишеме од овај македонски воздух, додека не држи памет дека ние, нашите дедовци, татковци, нашите деца сме родени во македонија нема да поддржиме промена на име и устав на Р.Македонија.
Само што НИЕ нема да ги излажeме нити нашите живи или покојни дедовци, татковци, нити нашите деца, како што ти ги лажеш.
ОРГАНИЗАЦИЈАТА
16.06.2018 лето господово
Република Македонија
Се гледаме во Недела, 13.30 часот во Битола, и во Скопје во 20.00 часот
#МакедонијаВечна
Превземено од фејсбук
