Невремето што го зафати Прилеп предизвика огромни штети во одредени домаќинства и проблеми на разни делови од градот. Гградот е без интернет, а проблем има и со атмосферската канализација.
Кризниот штаб одржа состанок, јавните комунални претпријатија излегоа на терен, за да ја согледаат реално состојбата, со цел итно да се интервенира.
„Пред час и половина Прилеп го зафати силно невреме имаше силен пороен дожд со времетраење од 25 минути. На повеќе места има затната канализација и поплавени куќи. На 15 места во градот и во околината има поплави. Но, за среќа водата е исчистена по поројниот дожд.
Во населбата Варош имаше удар на гром. Нема повредени за среќа,предизвикана е само материјална штета, која што веќе е санирана од страна на екипите на ТППЕ.
А, во овој момент екипите на ЈКП ‘Водовод и канализација’ и ЈКП ‘Комуналец’ се на терен и сите дефекти ги отстрануваат. Има пријави за пет поплавени куќи, во коишто се интервенира во моментот. И покрај овие штети, мислам дека невремето помина без некои поголеми последици и се надевам дека сè ќе помине во најдобар ред“,
-изјави градоначалникот на Прилеп Илија Јованоски.
