По повод православниот христијански празник “Павловден” кој што е празник на градот Виница, утре- среда на 13.07.2022 година ќе се одржи целодневна свечена културно уметничка програма за сите граѓани на општината.
Програмата започнува во 08.00 часот наутро во црквата “Св. Архангел Михаил” со света архиерејска литургија која што потоа ќе продолжи со света литија по улиците во Виница.
Во 10.30 часот ќе започне свечената седница на Советот на општина Виница во рамки на која ќе се доделат признанија и награди по повод празникот.
Во текот на денот ќе бидат застапени повеќе културно-уметнички настани и изведби како и изложби и промоција на книги.
Програмата ќе заврши во 22.00 часот со баскер-уличен перформанс на Кристијан Бенито.
