Поради постоење на повеќе критични точки каде што се случуваат проблеми и потешкотии во функционирањето на постојната водоводна и канализациона мрежа и фрекфентни дефекти екипи на Јавното Претпријатие “Камена Река” од Македонска Каменица започна со целосна реконструкција најпрво на канализационата мрежа по што веднаш ќе следува реконструкција и на водоводната мрежа.
Ваквите дефекти подолг временски период им задаваа на граѓаните “главоболки” во нивното секојдневно функционирање, што беше еден од приоритетите за реализација на јавното претпријатио од МАкедонска Каменица
“ЈП Камена Река започна со изградба на нова канализациона и водоводна мрежа во централното градско подрачје на Македонска Каменица. Станува збор за изградба на главна и секундарна мрежа во должина од над 250 метри, со чија изградба трајно ќе бидат решени комуналните проблеми на домаќинствата во овој дел од градот.
Веднаш по изградбата на канализационата мрежа, продолжуваат активностите за инсталирање и на нови водоводни линии за потребите на овие домаќинства.”
-соопштија од менаџментот на ЈП “Камена Река” од Македонска Каменица.
