Претседателот на патриотскиот институт на ВМРО-ДПМНЕ Александар Пандов преку социјалните мреѓи во јавноста упати повик до сите граѓани за протестот кој што го организира опозициската партија во текот на утрешниот ден.
Главен акцент на својот повик Пандов стави на неправдата која им е нанесена на уставобранителите кои се осудени на драконски казни од страна на партизираното судство.
Во продолжение во целост го пренесуваме неговиот повик за протестот:
“Мафијашот Заев и СДС во овие неколку години станаа синоним за неправда и национално понижување. Секојдневно се бркаат луѓе од работа поради партиска припадност, од ракав на политичките неистомисленици им се пишуваат кривични пријави и се носат во Шутка, нема новинар кој е критички настроен, а не е влечкан по обвинителство и по судови. Нивните гавази почнаа да тепаат сред бел ден. Со еден збор мафија.
Меѓутоа, верувам ќе се согласите со мене, како што браќата од 27—ми Април се обесправени и малтретирани не е никој друг. Да потсетам, поголем дел од нив се осудени на затворски казни за ,,тероризам” по 12, 15 и 18 години затвор, само и само затоа што си ја сакаат Македонија и застанале во нејзина одбрана. Полни три години поголем дел од нив лежат по македонските затвори.
Затоа утре (23.09) во 18:30 часот, сите ние кои безрезервно им даваме поддршка ним и на нивните семејства, но и за сите други обесправени од оваа хунта, да се собереме во што поголем број пред министерство за неправда, гордо и достоинствно и онака македонски, да крикнеме дека во Македонија нема правда, па затоа нема ни да има мир.
“
