Една од најпознатите сопрани во музичката историја Монсерат Кабаље, почина на својата 85 годишна возраст во Барселона, после долго боледување од хронична болест.
Кабаље стана мега популарна со дуетот „Барселона“ што ја испеа заедно со пејачот на Квин, веќе починатиот Фреди Меркјури, која беше изведена на отворањето летните Олимписки игри во 1992 во каталонската престолнина Барселона.
Портпаролот на Болницата во Барселона каде беше хоспитализирана пеачката ја потврди нејзината смрт во саботата утрото. Пеачката имала срцев удар во 2012 година кој што го преживеа а минатиот месец беше примена во болницата поради компликации со жолчниот меур според шпанските медиуми.
Кабаље беше родена во работничко семејство во Барселона. Нејзиниот музички талент многу рано дошол до израз, така што на нејзина 7 годишна возраст изведувала кантати од Бах.
Пеачката постигнала меѓународен углед во 1965 година кога дошла на замена на друг изведувач во крајно тешката улога на Лукреција Боргиа во Доницетиова опера во Њу Јорк. Нејзиниот деби настап влезе во оперската историја како еден од најбрзите успеси преку ноќ по што заминала на светска турнеа која траела поливина век, настапувајки во 90 оперски рољи со над 4000 изведби во живо.
Во 2004 година таа беше рангирана на шесто место во Музичкиот магазин на BBС на врвните 20 сопран изведувачи во време од кога постои снимање на звук, по Марија Калас, Џоан Сатерленд, Викторија де лос Анџелес, Леонтина Прајс и Биргит Нилсон.
Во пошироката меинстрим публика стана особено популарна по изведбата со поп легендата Фреди Меркјури:
