Почитувани пријатели, денеска на врвот на планината Голак требаше традицијата да царува.
Да се пеат Македонски песни и песни од целиот Балкан и пошироко… Да излезат од прашливите депоа автентичните традиционални носии, да засвират старите инструменти… Да грмне тапанот, да писне ќеменето, гајдата….
Наместо тоа денес на Голак Ќе имаме тишина, молк…
Луѓето кои што се одговорни за организацијата на Меѓународниот фолклорен фестивал “Голачки фолклорни средби” кој што денеска требаше да се одржи јубилејно по 25 пат “уплашени” од пандемијата со Ковит 19 одлучија овој настан да прекине да се реализира.
Паднаа толку многу надежи, толку многу ветувања, толку многу љубов во вода….
Велам “уплашени” (во наводници), затоа што истите тие надлежни поединци во власта не се уплашени од ноќните забави во јавните објекти за ширење на пандемијата, низ Делчево ами баш за овој настан се уплашени дека ќе биде причина за ширење на вирусот…
Настан со кој се афирмира Македонската традиција на исто рамниште со традицијата на сите народи на Балканот и пошироко.
Истовремено (претпоставувам) дека не се уплашени што нивни колеги одговорни за културата, организираат слични културни настани ширум државата со примена на заштитни мерки, ама само во Делчево настани од културата нема ни за лек….
Не се уплашени што земаат плата на грбот на граѓаните за да прават културни настани, а настани НЕМА….
Почитувани неработници, ќе дојде време кога овој народ ќе си дојде по своето.
До тогаш засрамете се!
Вашите лажни определби за културно воздигнување и афирмација, одамна се прочитани!
ГФС е традиција која надминала многу неработници.
ГФС повторно ќе живеат.
Почитувани неработници од власта, Голачки фолклорни средби повторно ќе живеат!
