Во рамки на глобалното граѓанско движење Светски ден на чистотaта 2018 (World cleanup day) денеска во Делчево во организација на УМС на ВМРО-ДПМНЕ ОК Делчево се спроведе акција за чистење на депонија на комунален смет во центарот на Делчево.
Во акцијата зедоа учество околу 15-тина активисти од подмладокот на опозиционата ВМРО-ДПМНЕ од Делчево заедно со Претседателот на УМС НА ВМРО-ДПМНЕ Лука Кржаловски.
Во рамки на акцијата беше исчистена поголема површина на локацијата за изградба на новиот градски пазар предвиден за изградба спорет ДУП за централното градско подрачје во Делчево.
Светски ден на чистотата е најголемо граѓанско движење во светот во кое се вклучени над 150 земји со милиони волонтери од целиот свет, кои што сите заедно се залагаат за почист свет.
Оваа глобална акција за подигање на свеста кај луѓето за почист свет, се одржува секоја година на 15 септември.
Овогодинешната акција се совпаѓа со 100 годишнината од создавањето на Естонија-земја во која е родено ова движење и е најубав подарок на оваа земја за целиот свет.
