“По вчерашните врнежи од дожд, граѓани кои живеат во пониските делови на градот реагираат дека нивните подруми повторно се полни со отпадни води.
Имено, како што нагласуваат Тие, одводните шахти и канализационата мрежа веќе подолг временски период се запишени и протокот по нив е минимален а на некои места дури и невозможен.
Со самиот доток на поголема количина на отпадни води, фекалиите се излеваат во нивните дворови и подруми и функционалноста на истите се става во прашање. На страна од тоа стравуваат од можни заразни болести и влага во нивните домови.
За истиот проблем на единаесеттата седница на Совет на Општина Делчево одржана на 07.07.2022, реагираше и нашата Советничка група!
Имено при расправата за Заклучок за усвојување на Тромесечниот извештај за финансиското работење на ЈКП “Брегалница”- Делчево, од страна на Советничката група на ВМРО-ДПМНЕ Делчево беше побарано информација од образлагачот за тоа дали се превземени дејности за одржување (чистење) на канализационата мрежа од страна на претпријатието, на што ни беше одговорено дека не се превземени.
Поради таа причина, сметаме дека со лошото менаџирање на директорот со Јавното комунално претпријатие е нарушен член 13 од Законот за комунални дејности, со кој е утврдено дека ДАВАТЕЛОТ на комуналната услуга е должен давањето на комуналните услуги да го врши постојано и квалитетно и да ги одржува во функционална и исправна состојба објектите, опремата и уредите.
Поради таа причина не можеме а да не реагираме на несериозниот пристап од страна на директорот кон овој проблем на граѓаните на Општина Делчево, а воедно и да апелираме за итноста и важноста за решавање на истиот!
Советничката група на ВМРО-ДПМНЕ Делчево ќе поднесе и БАРАЊЕ за решавање на овој проблем и до Советот на Општина Делчево и до Градоначалникот на Општина Делчево.”
-интегрален текст на Советничката група на ВМРО-ДПМНЕ во Советот на општина Делчево.
