Избрано најдобро идејно решение за уредување на парк во Македонска Каменица од пристигнатите предлог проекти до Комисијата од ЈП Камена Река
Денес во просториите на ЈП “Камена река” од Македонска Каменица, заседаваше 5 члената Комисија која одлучуваше врз основа на пристигнатите предлог Проекти по објавениот Конкурс за идејно решение за уредување на парк во Македонска Каменица. Истите беа објавени на фејсбук налогот на ЈП “Камена Река” како поединечни фото албуми. Граѓаните имаа можност да гласаат преку ставање на “Like” реакција на еден од албумите од авторите на идејните решенија.Гласањето траеше во периодот од 22-ри Март до 26. Март 2019 година.
Гласањето од граѓаните на фејсбук профилот на ЈП Камена Река беше земено како дополнителна сугестија, односно беше вброено како 6-ти глас при одлучувањето. Секој член на комисијата гласаше за три понудени идејни решенија. Гласовите беа од 15, 10 и 5 поени за првиот, вториот и трет одбран проект од членовите на комисијата.
Победник на Конкурсот за идејно решение за уредување на парк во Македонска Каменица, според гласовите на граѓаните преку социјалните мрежи и 5 члената комисија е доставениот предлог проект Футуристи 2523 со 85 поени. Автори на овој проект се Денис Садулов и Христина Стојилова.
-соопштуваат од Јавното претпријатие “Камена река” од Македонска Каменица.
