Љубителите на кафето секогаш се спремни за нешто ново, несекојдневно и необично. Замислете си чоколаден напиток со остар вкус на чили и арома на рум.Време е да ги изненадите и воодушевите вашите најблиски. За подготовка на овој неверојатен пијалак ќе ви бидат потребни само десетина минути.
Потребни состојки:
- 100 грама чоколадо
- 5 децилитри млеко
- 2 ванила стапчиња
- 2 лажици мед
- 10 грама мелено чили
- 2 грама сол
- 5 децилитри рум
Загрејте го млекото, додајте ги стапчињата ванила и оставете ги да седат 10 минути.
Процедете го млекото, додајте го чоколадото скршено на парчиња и 1,25 децилитри вода и повторно загрејте ја смесата со мешање. Кога ќе се стопи чоколадото, додајте ги медот, солта, чилито и румот и добро измешајте.
Пијалакот послужете го врел.
