Основната улога на вакцините е да симулираат болест или инфекција со ослабен причинител или негов дел како би можел организмот (човекот) да создаде заштита и имунитет со цел да не се разболе од таа болест. Генерално барем досега со класичните вакцини таа заштита (имунитет) беше краткотрајна. Прележувањето (симптоматско или асимптоматско) на некоја болест дава солиден имунитет (заштита) кој е долг и доживотен за инфективните агенси кои имаат стабилен антиген, односно не мутираат.
Да се тврди дека веднаш по прележувањето на КОВИД 19 (по 2 месеци) треба да се прими вакцина за истата болест нема никаква врска со науката, ниту со здравата логика. Значи тој што има антитела од било која класа и во било кој титар кон САРС КоВ 2 вирусот има природен имунитет, ја има најдобрата заштита и ниедна вакцина неможе да биде подобра за имунолошкиот систем од природниот причинител. При тоа не е важно дали инфекцијата била симптоматска во било која форма, или била асимптоматска но организмот ја препознал и создал антитела. Голем број на лекари повикани и неповикани излегоа со став дека тие што имаат антитела против САРС КоВ 2 треба да се вакцинираат.
Не ми се јасни мотивите за ваквиот нивен став ниту пак генезата на нивното стручно усовршување, но направија голема штета на државата и на луѓето. За жал и СЗО со свои рекламни спотови ја подржа оваа кампања и бара дури две дози на вакцина за тие што прележале и по природен пат имаат антитела. Од друга страна жестоко се сатанизираат сите тие што ја интерпретираат науката и викаат дека тие што прележале не треба и не смее да се вакцинираат. Титулата АНТИВАКСЕР е најмалиот напад, заедно со целокупната јавност (подржана од новинарите кои ете приоритетно се вакцинираа) овие „антиваксери“ можат да бидат и отфрлени од општеството, а во некои држави се ставани и во затвор (само затоа што користат логика и не се исплашени).
ШТО ВЕЛИ НАУКАТА:
Досега во историјата на медицината не се случило да се дава вакцина или било каков вид на имунопрофилкса против болест која човекот ја прележал. Единствено за грип се давала вакцина на тие што прележале, но не пред една година и не ако сме сигурни дека таа сезона грипот нема да мутира. Што се однесува за КОВИД 19, излегоа научни трудови со највисок импакт фактор (SARS-CoV-2 infection induces long-lived bone marrow plasma cells in humans) (https://www.nature.com/articles/s41586-021-03647-4) кои само го потврдуваат тоа што досега го знае науката, а тоа е дека имунитетот по прележување на КОВИД 19 е долготраен. Во коскена срцевина кај луѓето кои прележале КОВИД 19 и по 11 месеци се најдени активни плазма клетки кои и понатаму произведуваат антитела. Во најмала рака непотребно се трошат вакцини на луѓето кои имаат веќе антитела стекнати по природен пат. Вакцините се неопходни за луѓето кои треба да се заштитат и кои досега не се разболеле. Од друга страна вакво стихијно вакцинирање нема да даде никакви резултати. Факт е дека вакцините ќе спасеа неколку стотици или илјади животи кај нас во Македонија ако ги имаше тогаш кога беа најпотребни и кога скоро секаде ги имаше а тоа се месеците февруари, март и април. Сега за среќа по некаков природен пат пандемијата се смири, следи летен период а ние вакцинираме без план, без анализа, без скрининг на население со антитела… Иако во светот се дадени над една милјарда вакцини, комплетно се вакцинирани само околу 5,5% што секако не е причината за смирување на пандемијата. Во моментов само 15 држави во светот рапортираат умрени од КОВИД 19.Од друга страна сега вероватно е појасно колку е нереална идејата да се вакцинира цел свет. После 5-6 месеци интензивно вакцинирање сме на 5,5% вакцинирани.
До некој процент од половина население вакцинирани би имале уште за 10 вакви периоди, значи за 5 години. А дотогаш вирусот ќе мутира??? А тие што биле вакцинирани пред 5 години ќе имаат заштита??? Во Македонија 3,9 % вакцинирани комплетно (нема податок но можеби половината од вакцинираните не требало да се вакцинираат поради предходно прележана болест). Стратешки, сега би требало да се прекине со вакцинација од едноставна причина што состојбата е смирена и така ќе биде цело лето. Да се набават неопходни количини на вакцини (со добра анализа кои вакцини се со најдобри каркатеристики и најмали несакани ефекти) од едне производител (јас преферирам да бидат класични вакцини). Да се следи епидемиолошката состојба и ако има потреба масовно во септември и октомври да се изврши имунизација. Значи со јасен план и анализа колку од населението веќе има антитела по природен пат, и колку треба да вакцинираме во краток период за постигнување на колективен имунитет од 50 -60 %.
За да се реализира успешна имунизација треба да го имаме целокупниот број на вакцини на располагање (а не во најава) и не со вакцини кои ќе се најдат по принципот „дај што даш“ и откако ќе имаме на располагање околу 1 милион дози вакцини можеме да пристапиме кон планирање на имунизација со цел колективен имунитет. Секако, за тие што инсистираат да се вакцинираат треба да се обезбедат вакцини, но тие ќе дадат личен имунитет, за период кога секако нема да им треба (летово) а секако ќе мора да си проверат антитела некаде во октомври, пред сезона.
Скопје
2.6.2021 година
Проф др Вело Марковски
