Актуелниот градоначалник и кандидат за нов четитигодишен мандат на претстојните локални избори на 15 Октоври, Дарко Митевски на својата фејсбук страна излезе со промоција на проекти за поддршка на жителите на село Косевица во Македонска Каменица
„Село Косевица ќе добие силна општинаска поддршка. Косевица и Луковица ќе бидат поврзани со асфалтен пат, а нови локални патишта ќе се изградат до маалите Караџевци, Горанци, Паши, Врбаци, Паровци, Бошнаци и Горно Чукаревци. Старата училишна зграда ќе биде реконструирана и пренаменета согласно потребите на жителите. Ќе биде обезбедена поддршка за земјоделците, жителите кои припаѓаат на некоја од ранливите категории ќе добијат социјални монтажни објекти за домување, а ќе биде изграден и комплетно нов водоснабдителен систем. Проектот за поставување на големи контејнери за отпад ќе биде продолжен во село Косевица. Со воведувањето на бесплатниот јавен превоз се појави и потребата од поставување на постојки и тоа ќе биде направено и во ова село“-изјави во своето обраќање Дарко Митевски.
Погледнете го видеото во прилог.
