По вчерашната бомбастична најава на МВР за заплена на над 15 илјади стебла марихуана и лишувањето од слобода на 3 лица од Карбинци, вчера попладне на протест излегоа жителите на селото во поддршка на “бесправно обвинетите лица”.
Од учесниците на протестот можеше да се слушнат повеќе аргументи за тоа дека марихуаната за која се теретат приведените лица диво во природата расте низ целата општина Карбинци и дека луѓето кои што се приведени се чесни и работливи и егзистираат од земјоделие.
За денеска со почеток во 16.00 часот повторно е организиран протест за поддршка на неправедно приведените лица.
За протестот информираше и градоначалникот на Карбинци Виктор Паунов, кој и вчера беше помеѓу своите сограѓани на вчерашниот протест.
“Денес 15.06.2022год. во 16:00ч во село Карбинци ќе се одржи протест за поддршка на нашите сограѓани кои беа осомничени акцијата на МВР.
Во Карбинци живеат чесни луѓе и бараме правдата да излезе на виделина! 
“
-напиша на социјалните мрежи Виктор Паунов- Градоначалник на општина Карбинци.
