Нашиот род скапува по нивите а нам не ни се исплаќа ни да го береме…
Инвестиравме огромни сретства во процесот за производство и сега кога треба да заработиме нешто за живеачка, нашиот труд пропаѓа….
Не постои никаков интерес и побарување за откуп на сливата а род има во изобилие….
Мора да се превземат итни мерки за решавање на проблемот на овие луѓе од страна на надлежното министерство и владата….
Решете го проблемот-политика не не’ интересира!
Ова се дел од изјавите на револтираните производители на слива во Делчевsко, кои се оставeни на милост и немилост да пропаѓаат во немаштија, долгови и безизлезност.
Овогодинешниот род во Делчевско се проценува на 6 илјади тони род, кој е осуден на пропаст и скапување како резултат на незаинтересираноста на институциите за подобрување на состојбата. После елементарните непогоди од мрзнење и студови во изминатите две години кога загубите беа огромни за овие луѓе и нивните бизниси, овогодинешниот недостиг на пласман на родот е круна на нивните проблеми. Голем дел од овие производители на слива доколку во последен момент не се најде решение за пласманот на нивниот род, приморани се да ги затворат своите капацитети и бизниси и најавуваат дека својот излез и егзистенција ќе го бараат надвор од државата. Со тоа ќе се изгуби и заработувачката на повеќе семејства кои имаат свој удел во произвотствениот процес а дополнително ќе се намалат потрошувачката на репро материјалите што ќе предизвика уште поголем удар за и онака сиромашната општина Делчево но и целиот регион околу.
Состојбата со пласманот на сливите е катастрофална и во соседните општини Берово и Пехчево каде околу 4 илјади тони род е осуден исто така на скапување и пропаст.
Делчевските земјоделци со својата механизација продефилираа низ улиците низ центарот на Делчево, по што во знак на протест се паркираа пред зградата на Општина Делчево под прозорот на Градоначалникот.
Нивниот протест помина незабележан од институциите при што не беа посетени ниту од еден надлежан локален претставник на институциите за да ги слушне нивните проблеми и да се обиде да им помогне.
