Пуштен е во употреба еден од најголемите и најзначајни проекти на претходните влади предводени од ВМРО-ДПМНЕ. Започнат со проектна документација уште во 2010 година за кога се работеа Студиите за анализа на влијанието врз животната средина, преку проектирање на Идејните решенија со Основните изведбени проекти и целата пропратна инвестициско-техничка документација за автопатот Штип-Миладиновци па се до почетокот на реализацијата на проектот во мај 2014 година, граѓаните на Република Македонија конечно може да се гордеат со овој значаен капитален проект кој ќе внесе нов квалитет на граѓаните кои гравитираат кон овој дел од државата и Балканот.
Најголем дел од градежните работи на трасата во должина од 47 километри беа реализирани од претходните влади на ВМРО-ДПМНЕ до 2016 година. Со воспоставувањето на новата власт од 2017 година беа привремено стопирани завршните работи за целосно финиширање на проектот, за конечно истиот да биде пуштен во пробна употреба со почетокот на овој месец.
Оваа автопатска делница е дел од Автопатот А2 на релација Миладиновци-локалитет Црна Скала кај Делчево кој во перспектива ќе обезбеди висококвалитетно поврзување на Република Македонија со Република Бугарија.
Со изградбата на автопат А2, делница Миладиновци – Свети Николе – Штип исто така во голема мера се подобруваат условите за сообраќајна комуникација за голем дел на населението од Источна Македонија со главниот град како и со остатокот од државата.
Инвестициските сретства во износ од 226.696.367,94 евра беа обезбедени преку кредит од кинеската Ексим банка и од буџетот на ЈП за државни патишта.
Фото извор: Build.mk
