Продолжува бруталната партизација на институциите на државата во Штип. Денеска на прес конференција од пред зградата на Општина Штип Игор Ефтимов ја обвини владеачката СДСМ дека дури и во време на рецесија “успева” да вработува партиски кадри кои што се бираат во органите на партијата на власт. Притоа огласите за ваквото вработување во институциите од јавниот сектор траат обично по три дена а истите се објавуваат за викенд..
Во продолжение во целост го пренесуваме текстот на прес конференцијата на опозициската ВМРО-ДПМНЕ од Општинскиот комитет во Штип:
“Кој вели дека во Штип не се отвораат нови работни места за време на рецесија? Еве, партијата на власт во изминативе 2 седмици отворила над 100 работни места во јавен сектор. ООУ Ванчо Прке и Димитар Влахов, ќе вработат 50тина, Центарот за јавно здравје 2ца, во Царина и затворот ќе се вработат по 4ца, во Астибовата и во градинката Вера Циривири Трена 30ина, а во Болницата 17 нови лица. Две лица веќе се вдомија во Основното Јавно Обвинителство, 13 во поштата, а веќе се прават списоците и за вработување во полицијата. Во јавноста и низ партиските тела на СДС веќе е донесена одлука кои лица ќе бидат вработени. На увид на медиумите ќе дадеме неколку имиња, за кои партијата донела одлука дека ќе се вработат во градинката Вера Циривири Трена. Вакви имиња имаме и за другите институции и со тек на време ќе ги објавуваме. Но, она што е важно јавноста да знае е дека, кога бројот на невработени во 2020 година се зголеми за 50.000 лица, овие огласи кои шверцерски се објавуваат за време на викенд, кои траат 3 дена, кои служат не за професионализација, туку за партизација на администрацијата, само го цицаат и истоштуваат буџетот на државата.”
