Градоначалникот на општина Виница Миле Петков во текот на вчерашниот ден реализираше посета и повеќе средби со граѓани на селото Истибања. Ваквата посета е дел од неговите политички определби за постојана и интензивна соработка со граѓаните на секојдневен план, во интерес на остварување на поквалитетни проекти кои се од интерес и во функција на граѓаните.
“Од вчера со посетата на с.Истибања започнавме со средби со месните и урбаните заедници во населените места и градот, а наредниот период ќе продолжиме и во сите населени места и делови од градот.
Во рамки на посетата, разговаравме за тековните и идни активности и проекти за Истибања, како и за тековните проблеми со кои се соочуваат граѓаните.
Изминатиов период во с.Истибања значително ја подобривме комуналната хигиена и одржувањето на зелените површини, беа поставени канти за отпадоци во паркот и на потегот од училиштето до паркот, на овој потег поставени се и безбедносни сообраќајни столбови и заменети се оштетените бетонски плочи поставени помеѓу тротоарот и меѓународниот пат за Р.Бугарија. Заменети се олуците во училиштето, донесовме проектна програма и аплициравме за Проектно-техничка документација за целосна регулација на Кајанечки дол и го зголемивме градежниот опфат на детален урбанистички план, кој веќе се работи и претсавува основа за идниот развој на Истибања.
Многу наскоро ќе започнеме со поплочување на 3 улици во с.Истибања и ќе се изврши реконструкција на центарот во селото, а исто така работиме и во најбрз можен рок очекувам поставување на парно греење во детската градинка и училиштето.
Посетата на Истибања ја искористив и присуствував на подготовките на ФА „Китка“ за 37-от Мегународен фолклорен фестивал „Истибањско здравоживо“ и поразговаравме со претседателот Стојко Митковски околу организацијата на истиот.”
-информираше градоначалникот на општина Виница Миле Петков за посетата на граѓаните на село Истибања.
