Неодамна прочитав едно искуство на мудар човек кој болното минато го заменил со светла иднина.Така и нашава Небиднина од грутка, на некого Идеал, на некого Фри шоп, не одгледала да бидеме огледало на нашите гревови и желби!?
Скраја да е сета одвратна политика која локалните Шерифи не ја ни разбираат а удираат јако по сметките и на граѓаните и на полтроните!
Во време на невреме кога нема веќе место за скришни додворувања и лигавења, останува само да ги гледаме како плукаат по се што е човечко, христијанско и нормално!
Извртени идеали, поместени параметри, критериуми нула и се по ред… Имате човечиња со мозочиња на риби кои во својот филм се главни фаци и продолжена рака на нелегалната власт која на перверзен начин е признаена по сила на Закон од Народот и Опозицијата под патронат на амбасади и влијанија од страна. Изгласана со две раце од 59 а и дали некој броеше?
И се се заборави?!
Како лоша слика!
Како реминисценција… Државата ни ја сменија по нивни терк, по нивна желба…небаре е штоф и треба да се искрои одело за претседателот, да, и свилена бела кошула во очите на извалканите политичари кои немаат и доблест да ги кријат своите криминали од граѓаните, но безобразно продолжуваат да силуваат… И се така! Без срам, без перде и очи! Без и капка милост врз сопствениот Народ! Било, и ќе продолжи на истиов начин.
А што можеме Ние, граѓаните. Да бидеме контрапункт на лошите луѓе кои преку својата драматургија ве оставаат без кислород а Вие со вашиот позитивен став ширите зеленило во очите и оган во срцето. Имате специјално избрана Власт која со специјални средства избра Специјално обвинителство кое е далеку од Јавно, далеку од транспарентно… Еден куп идиотштини, скриени фондови, рекет, неконтролирани трошења а никого не му е гајле?
Како да не се случува овде?! Како да сте статисти?! Гајле ви е за државата? Или сите чекате поарни денови? Црнката ви излезе гледајќи во народните пари, во даночните обврзници кои се тука за да бидат исцицани и последните нормални човечки особини, и заедно сите да се претвориме во ѕверови! Е после сета смеа, ќе плачете!
Ќе плачете до плачење! Оти изживувањето кое го вршите е бумеранг во рацете на судбината и божјиот камшик е само обратна желба од добрата намера на повредените!? Ќе дојде денот кога сите праведни од сите партии ќе бидат на чело на колоната наместо лигавите мрсули на настинатата бирократија на власта.Да, онаа власт која ве излажат за Радиодифузна такса!? Нема среќни сега, освен офајдените…
Политичката номенклатура на ,,капиталистичкиот ко омунизам” ќе ве доведе до последната станица! Брзото темпо на живот, многубројните обврски, кредитите, хипотеките Ве натераа да бидете вечни робови на лажниот Партизам, да бидете синови на абортирани единки и вечно желни за тендери! Кои сте вие? Кои сме ние? Која е дистинкцијата меѓу нас? ,,Дрога” на секое ќоше, на увце одговорните со исповеди а јавно неми набљудувачи!? Штрајкбрејхери и уфрлени матрици на среднисти од тајните задачи…милиони идеи а само една јалова реализација!? Трупајте ја јавната администрација зошто нели гломазна беше?? 8500 негде за нецел мандат? Само така! Нека лапаат муви оние кои работат напорно 40 неделно!
Ќе ве стигне наградата од небото! Скоро ќе биде! Само продолжете да плукате и псуете! Продолжете да ја силувате државата! Наредниот циклус нема да биде само исповед и само покајанија!
Тогаш ќе се порамнуваат сметки! Со Бога, со Народот и со Огледалото!
Пишува: Гоце Марков
колумнист, Македонец и Човек
