Денеска од страна на Градоначалникот на општина Кочани Љупчо Папазов беше пуштен во употреба новиот потисен цевковод за вода за пиење во должина од 2.2 км.
Вкупната инвестиција од 44,5 милиони денари е целосно оправдана поради тоа што жителите на Кочани ќе добијат поквалитетна вода за пиење, а Јавното претпријатие ќе добие помали загуби на водата во водоснабдителниот систем како неопходен ресурс од огромно значење за граѓаните.
Околу обврската за регулирањето на трошоците за експропријација и доведување на состојбите на трасата на цевководот во функционална состојба за замјоделците кои гравитираат на тој потег од општината Градоначалникот Папазов заедно со неговиот тим успешнно ја изменаџира така што проектот беше успешно завршен во интерес на сите засегнати страни.
“Денес се наоѓаме во комплексот Бунарски систем на комуналното јавно претпријатие Водовод – Кочани, каде го објавуваме завршувањето на проектот за изградба и реконструкција на главниот потисен цевковод во должина од 2.2 километри во вредност од околу 44 ипол милиони денари. Со што добиваме еден стабилен систем за водоснабдување, ги намалуваме загубите и во делот на можноста за земјоделците да пристапат до своите земјоделски површини со почеток на сезоната за наводнување, се покриени со датумот за извршување на нивните активности.
Обврската на Општина Кочани беше да ја спроведе постапката на експропријација на трасата по која се изведуваше овој проект, и обврска ќе биде заедно со изведувачот на работите да се вратат парцелите во првобитната состојба.
Ваков проект се реализира еднаш во 50 години и очекувам бенефитите да ги почувствува и комуналното јавно претпријатие Водовод, Општината Кочани и граѓаните на општина Кочани. “
-соопшти Градоначалникот Љупчо Папазов на лице место од самата траса, во врска со реализацијата на овој проект денеска.
