Кандидатот за градоначалник на Делчево од редовите на ВМРО-ДПМНЕ и здружената коалиција, г-динот Иван Соколов, заедно со дел од кандидатите за советници денеска во рамките на неговата предизборна кампања беше во директна посета на дел од населбата Милково брдо.
Главниот акцент на досегашната предизборната кампања на Иван Соколов со неговиот тим е ставен на директните средби со сите граѓани на општината, независно од нивната партиска или било каква припадност.
-Постојните проблеми на делчевчани не се однесуваат за одредена група на граѓани, туку истите влијаат на стандардот на сите граѓани подеднакво. Оттука преку дуректни средби со сите жители, сакаме да направиме една поширока системска рамка за континуирано решавање на проблемите, што ќе значат подобри услови за живот во градот и сите делчевски села, соопштуваат од Изборниот штаб на ВМРО-ДПМНЕ.
