Пратеничката на ВМРО-ДПМНЕ Дафина Стојаноска заедно со колегите Бојан Стојаноски и Никола Мицевски денеска остварија работна средба со претставници на Конфедерацијата на слободни синдикати на Македонија, во контекст на определбите на опозициската партија за поддршка на граѓаните и работниците во услови на актуелната голема финансиска криза.
“Заедно со координаторот на ПГ – Никола Мицевски и претседателот на КФБ – Бојан Стојаноски, денес остваривме средба со претставници на КСС и со нивниот претседател – Blagoja Ralpovski.
На средбата им ја потврдивме нашата поддршка за поднесениот амандман по нивно барање, кој се однесува на финансиска поддршка на вработените во приватниот сектор.
Гостите ни истакнаа и неколку проблеми во врска со здравството и енергетиката, кои во наши следни обраќања ќе бидат обелоденети.”
-соопшти пратеничката Дафина Стојаноска од ВМРО-ДПМНЕ.
