Во текот на денешниот ден Претседателот на ВМРО-ДПМНЕ Христијан Мицкоски придружуван од Потпретседателот Александар Николоски денеска остварија плодна средба со големата пријателка на Македонскиот народ пратeничката во хрватскиот парламент Маријана Петир.
На средбата биле афирмирани пријателските односи меѓу Македонија и Хрватска како и можни теми за идна соработка.
Во продолжение го пренесуваме соопштението на Александар Николоски кое што тој го упати до јавноста во врска со оваа средба:
“Денес имавме одлична средба со пратеничката во хрватското Собрание г-ѓа Маријана Петир, поранешна пратеничка во ЕП, основач на групата „Пријатели на Македонија“ во Европскиот Парламент.
На средбата изразивме благодарност до Петир за досегашните заложби, посветеноста во промоција на интересите на Македонија. Дискутиравме и за пријателските односи помеѓу двете земји, но и за проблемите со кои се соочува Република Македонија во евроинтеграциите. Разговаравме и за сите најзначајни проблеми во државата како што се корупцијата и криминалот и злоупотребите на Власта.”
