Стефчо Јакимовски кој е под непрестанат прогон од страна на властите во државата за дела кои наводно ги направил додека бил градоначалник на скопската општина Карпош, не престанува со својата борба против истите овие власти кои гои сервираат овој негов прогон преку институциите, во врска со намерата на власта да го промени името и уставот на државата преку претстојниот референдум.
Притоа Претседателот на ГРОМ во своите прозивки кон власта низ својата последна колумна ги разобличува нивните потези како тоа планираат да го направат:
Моронизирањето на Македонскиот народ од страна на Евро-американските душегрижници, се одвива на ист начин како што Ратко Младиќ даваше команда да се гранатираат муслиманите во Сараево.
Цитирам:
„Говори генерал Младиќ! Понављам! Говори генерал Младиќ! Тамо доле лево су муслимани, гаџајте их у интервалима, али у континуитету. Не дајте им ока да склопе! Понављам! Гаџајте их у интервалима, али у континуитету!“
Е, почитувани пријатели потполно иста цел на овие душегрижници сме сега ние Македонците. Наредбата е да не гаѓаат во интервали, но во континуитет, да не ни дадат око да склопиме. Засега, не со гранати туку со зборови, со пропаганда, со анкети, со нарачани прашања, со секојдневни гости од божју си матер итн, за да ни всадат во главата дека ние Македонците наеднаш сме станале толку битни и толку важни, дека сега сите се со нас, многу не сакаат. Ги боли ланскиот снег за нашите перспективи и што се не. Само да има морони да гледаат и да слушаат.
Денес, една од ударните вести е наместената анкета од ИРИ во која што дури 57% од граѓаните се за промена на името. Ха ха ха! Што би рекол Шешељ „ако не умрам од болест, ќе умрам од смех“. Па, господа од ИРИ ако имате 57% поддршка зошто носите странски агенции за пропаганда, зошто го оценувате процесот за многу сложен, зошто го молите лидерот на опозицијата да не бојкотира?
Не сме мутави. Сакаат да создадат атмосфера дека мнозинството на граѓани се за промена на името. Натаму, покажуваат и голем рејтинг на Зоран Заев. Нормално дека го навлекуваат да го турка процесот како сивоња. На Мицкоски му даваат небитни 2%. Ах, што не сум на местото на Мицкоски, па да им кажам дека моето мислење воопшто не ви е битно, па затоа еве ви еден бојкот, да ги видите двата посто колку се небитни.
-напиша Претседателот на ГРОМ, Стевчо Јакимовски.
Остатокот од неговата колумна може да се прочита на Инфомакс.
