Интегрален текст на Страшко Олумчев:
“Дали се здробиле и кој кого здробил не знам, ама од ова што го слушам во нивните изјави гледам само лицемерие и дволичност !
1. Ристовски од ИНТЕГРА никогаш не се појави на протестите. Еднаш се појави во друштво со Тодор Петров и стоеја на 300 метри од протестите настрана.
– Една вечер после потпишувањето на Преспанскиот договор седевме во Дојран со Узунов и еден поп протестант од Сиднеј, битолско потекло, кој инсистираше да се слушнам со Ристовски. Ми го даде на телефон и темата прва Преспанскиот договор за кој јас кажав дека е геноциден и криминален, а за кој Ристовски ми спомна дека можеби ДОГОВОРОТ Е ДОБАР и дека треба да се размисли. Тука нашата комуникација заврши.
– Нека Ристовски ја објави првата верзија на програмата на неговата партија и да видиме дали се залагаа за ЕУ и НАТО и се што пишува во неа.
– Нека објасни што значат знамињата на Израел, Велика Британија и САД во нивните јавни настапи и што во суштина тие знамиња симболизираат?
2. Солза Грчева, која глуми најпаметна и најучена од сите, ја немаше нигде на протестите на почетокот. Јавно тврдам дека Солза Грчева прв пат се појави на протест во наша организација, на кој го имав покането единствено Филип Петровски. Тоа е протестот при доаѓањето на Јенс Столтенберг, 18 јануари, 2018 година.
https://telma.com.mk/zapaleno-zname-na-nato-na-skromnite-d…/
Фино и културно кога ја приметив таму , лично отидов и ја поканив да се обрати на народот. За нејзиното однесување во последно време, од посетата на Стево Пендаровски навака знаете сите. Ја поканив и на обединителната конференција во наша организација на која дојде. Нема да навлегувам повеќе, за тоа што и како зборувала за мене и за МНП , лично ќе и објаснам кога ќе дојде време.
Зашто го пишувам и објавувам ова ? Затоа што очигледно нашиот народ е со кратко памтење и лесно верува на слаткоречиви типови од политиката.
За нас од МНП, тие кои си присвојуваат туѓи активности и ги припишуваат на себе се лицемери и со лицемери не може да има никаква соработка.
И едната и другата партија се ориентирани НАТО и ЕУ и тоа го имаат во програмите нивни. НАТО и ЕУ се оние кои најдиректно асистираа во геноцидот врз Македонскиот народ и тука приказната завршува!”
