Околу 40 уметници од 20 држави учествуваа на вториот меѓународен ликовен симпозиум „Струга 2018“, што го организира Здружението за уметност и култура „СИЛИНДАРТ“.
Меѓу другите учествуваше и познатиот мозаичар Саимир Страти, носител на десет Гинисови рекорди за мозаици, а, како што најави организаторот, ќе учествува и еден вајар, кој од камен прави уметнички дела. Освен од Македонија, своето творештво го претставија и ликовни умтници од Америка, Италија, Јапонија, Малта, Франција, Словачка, Романија, Украина, Белгија, Австралија, Словенија, Хрватска, Црна Гора, Бразил, Србија, Велика Британија, Турција, Косово и Албанија.
Здружението за култура и уметност „СИЛИНДАРТ“ има организирано повеќе значајни меѓународни настани во Гостивар, Тетово, Струга и Скопје. Но во Струга, домаќините и гостите од другите држави, ја имаат најголемата природна мотивација и креативност за творење.
