Suns го прославува 25-годишниот јубилеј од објавувањето на албумот „Мојот сон е само мој“ (1994, Коприва Рекордс), со објавување на ремастеризиран двоен, 180-грамски аудиофилски винил во издание на Corpus Delicti Records.
Слушачката промоција на новото грамофонско реиздание во Скопје ќе се случи на 6 септември во 21 часот во Bar La Kaña (со диџеј сет на Давид Ангелевски по промоцијата).
Плочата на денот на промоција ќе биде 1600 денари.
Оригинално, албумот е објавен во 1994 година на аудио-касета за Коприва рекордс, по десет години Lithium Records го објавува како компакт-диск и 2018 преку kritika.mk и како дигитално издание https://kritikamk.bandcamp.com/album/suns-mojot-son-e-samo-moj.
Единствениот албум на Suns го снимија Ѓокица Зафировски (гитара, вокал, клавијатури), Саша Павловиќ (бас) и Андреј Анастасов (тапани и клавијатури).
Албумот е снимен во ноември 1993 за 60 часови во “Go Go Studio” во Београд. На две грамофонски плочи се наоѓаат вкупно 12 песни: „Двајца“, „Зборувам?“, „Мисли“, „Врне“, „Белег“, „Обид“, „Гајле“, „Карпа“, „Зум“, „Луѓе“, „Талог“ и „Мој“.
-Превземено од фејсбук
