Димитар Димовски во неговата колимна за порталот Курир јасно и прецизно го одразува неговиот став во врска со претстјниот референдум но и за сите катастрофи кои го разградуваат Македонското општество во режија на актуелната власт предводена од Зоран Заев.
За актуелната демонтажа на институциите и работењето на актуелната влада со нејзините министри тој вели:
Шибицерите си продолжуваат со разместување на „кибритчињата“. Филипче си дели набавки од по неколку десетици милиони евра на кого сака; Спасовски си набавува возила за министерството од партискиот пријател, за да можат децата на неговите подредени да шетаат по плажите; Рада ја „опремува“ Македонската армија со торти и слатки и си дели грантови на сопартијци и истомисленици; на Шилегов му била „влажна“ годината, па затоа не изедоа комарци и бездомни кучиња; Царовска како да експериментира во снимање на хорор филмови во домовите за згрижување на децата без родителска грижа; десетици милиони евра народни пари се поделија помеѓу вицепремиери, пратеници и советници од власта и уште неколку мина „заслужни„ новинари и граѓански активисти; си ги вработуваат фризерките и „пријателките“ и по некој роднина; им цветаат плантажите засадени со канабис…
Се интензивираат сплеткарењата и корупцијата од најниско до највисоко ниво во власта. На правосудниот систем му е врзан ланец на вратот, за да можат да го потегнат по потреба. Се уништува економијата, се срозува земјоделието, здравството и образованието се колабирани. Надежта кај луѓето е згасната. И се ова за нешто повеќе од една година владеење. Да бевте чума, немаше до толку да ја опустошите Македонија.
Единствена и најголема ваша способност, за која мора да ви се оддаде признание, е дека најдобро знаете да уништувате. Да уништувате сѐ, од човечки животи – до држава! За тоа сте доктори по науки.
По што во врска со распишаниот референдум за промена на името поентира:
Како капак на сѐ претходно, сте запнале од петни жили да ги убедувате граѓаните да излезат да гласаат на референдумот за сопственото самоукинување. Без срамно ги лажете дека веднаш по референдумот, ако е успешен, од Табановце ќе почне да тече мед, а од Богородица ќе тече млеко. Но, по кој знае кој пат ја потценувате интелигенцијата на Македонскиот народ. Единствен начин за да не ви се случи бојкот на референдумот, нешто од кое толку многу се плашите, е да ја отповикате Одлуката за неговото распишување. Имате уште време за тоа, а си имате и мнозинство во Парламентот. Резервна варијанта која ви стои на располагање, е на 1-ви Октомври да се самораспушти Собранието и да се распишаат предвремени парламентари избори. И за тоа имате мнозинство. Па, понудете му го на народот сѐ ова што го правите во форма на изборна програма. Така е чесно. Гласањето на народот на тие предвремени парламентарни избори, нека биде референдум и ако добиете поддршка за таквата програма, спроведувајте ја.
И на крај на својата колумна упатува и посебна порака до власта:
И, на крај, да не заборавам повторно да Ви кажам. Ќе си одговорате! И за велепредавството и за криминалиите и за сите злодела. Ќе си одговарате сите до еден.
