“Процесот за уништување на една нација најдобро се спроведува преку образованието, а на СДСМ тоа многу добро му оди.”
-соопшти пратеникот Јован Јаулески во врска со најновата ранг листа на универзитети во светот според истражувањето на Центарот за светски универзитети.
Според ова истражување кое ја мери го мери рангот на квалитет на настава ма 2000 универзитети од целиот свет, Македонскиот универзитет “Св. Кирил и Методиј” се наоѓа на 1944 гото место веднаш пред Федералниот Универзитет од Амазон.
Оваа година скопскиот универзитет бележи пад од 27 места од минатогодишниот ранг на истата обаа ранг листа кога беше на 1927 место.
Ваквата состојба на образованието на нашиот најпрестижен универзитет се должи на лошото работење на надлежните власти и ресорното министерство, обвинуваат од опозициската ВМРО-ДПМНЕ.
Во продолжение во целост ja пренесуваме реакцијата упатена преку социјалните мрежи од страна на пратеникот Јован Јаулески од опозициската ВМРО-ДПМНЕ во врска со овој огромен проблем:
“Ова го имам зборувано неколку десетици пати што од собраниска говорница, што за медиуми. И еве деновиве стигна новата ,,сметка”.
Имено, ако лани The Center for World University Ratings (CWUR), го рангираше Универзитетот ,,Св. Кирил и Методиј” на катастрофалното 
1917 место од 2000 универзитети кои се наоѓаат на листата, денес, односно за 2021/22 година имаме пад од дополнителни 27 места во однос на минатата година.
Денес ,,Св. Кирил и Методиј” се наоѓа на 1944 место во ранг од 2000!
Ова е резултатот на ,,добрите” образовни реформи на Мила Царовска и нејзините егзибиции.
Македонија има разрушен образовен систем во секој сегмент, образованието тоне, а единствено што функционира е скапиот ПР кој ние го плаќаме и кој ова ќе го извртува и релативизира.
Ова рангирање е удар за Македонија, за професорите, студентите кои се запишани но и кои планираат да се запишат на студии во овој универзитет кој е единствен рангиран од Македонија.
Процесот за уништување на една нација најдобро се спроведува преку образованието, а на СДСМ тоа многу добро му оди.
