Градоначалникот на општина Македонска Каменица Димче Атанасовски на социјалните мрежи се пофали со почеток на уште еден убав проект за жителите на Македонска Каменица.
Станува збор за почеток на проект за осветлување на влезовите на Македонска Каменица со финансии обезбедени од Центарот за развој на Источниот плански регион о дел од општинскиот буџет со кој што ова преубаво гратче на истокот од државата ќе добие уште по репрезантивен лик, но и ќе се зголеми безбедноста во сообраќајот особено во вечерните часови.
“Денес потпишав договор за уште еден голем проект – осветлување на влезовите во Македонска Каменица со што нашиот град ќе добие уште помодерен лик.
Проектот се финансира со средства обезбедени преку ИПР, а импликациите по општинскиот буџет се минимални и се околу 1,3 милиони денари. Краен рок за реализација е месец ноември оваа година.
Продолжуваме како што ветивме, посветено и одговорно.”
-информираше Димче Атанасовски- Градоначалник на општина Македонска Каменица.
