Тамара Арсовска е публицист, антологичар, преведувач и препејувач, автор на критика, есеистички и едукативно-педагошки прилози во периодиката, на документарни ТВ-сценарија, на радио и ТВ-драматизации за играни програми.
Родена е во Крагуевац, на 9 април 1933 година. Основно и гимназиско образование ги добива во: Мостар, Ниш, Кичево, Штип, Куманово. Татко ѝ бил шумарски инжинер, Русин, па поради потребите на службата имале повеќе преселби. Завршила Филолошки факултет „Блаже Конески“ – Скопје. Била професор по македонски јазик и литература (1955-1961 г.), потоа новинар-уредник на Образовната програма на Македонското радио до пензионирањето во 1991 година. Почесен член на ДПМ.
Автор е на книгите: „Блиски средби“ (книжевно-публицистички портрети, 1992), „Запаметено време“(книжевно-публицистички портрети, 1992), „Отаде минливоста“(книжевно-публицистички портрети, 1994), „Волшебници на зборот“(книжевно-публицистички портрети, 1995), „Како до успешни деловни разговори“(1995), „Чекор во третиот милениум“(говорна комуникација,1999). Автор е на неколку радио-драми и ТВ-сценарија, како и на „Книга за тинејџери“(2004 год.), потоа „Влезница за иднината“ (интервјуа, 2008), „Најубавите писма на великаните“(2009).
Составувач е на антологиите и изборите: „Илинденски раскази“
(антологија, 1978), М.Гончин: „Најмлади партизани“(избот и превод, 1981),
Агнија Барто: „Прва љубов“ (избор и превод на поезија и филмски сценарија,
1982). „Поезија на Револуцијата“ (коавторство со А.Бојаровски, зборник на југословенската
поезија, три изданија 1985, 1987, 1989), Г.Витез: „Песни“ (избор и препеви,
1988), „Кучето и човекот“ (избор и превод на амхарски сказни, 1994), „Среќата
за Зумхурд шахот“ (избор и превод на ирански сказни, 1994),„Волшебниот
мртовец“(избор и превод на монголски сказни, 1994), Н.Хајтов: „Диви
раскази“9избор и превод, 2000), „Илинденски раскази“ (антологија на севкупното
расказно творештво за Илинден, 2001).
Тамара по кратко бoлeдување, на 86-годишна возраст, утрово пoчинa.
Поcмpтните останки ќе бидат изложени утре (28.06.2019) во периодот од 9 до 10 часот, во Капелата на градските гpoбиштa Бутел во Скопје, каде ќе биде извршен пoгpeбот.
